Арифметикалык прогрессия

Арифметикалык прогрессия - экинчи мүчөсүнөн баштап улам кийинки мүчөсү өзүнөн мурдагы мүчөгө ушул прогрессия үчүн турактуу болгон бир эле $d$ санын кошуудан алынуучу сан удаалаштыгы.d саны арифметикалык прогрессиянын айырмасы деп аталат.

Арифметикалык прогрессиянын эң жөнөкөй мисалы — натуралдык сандардын катары. 1-мүчөсү $a1$ айырмасы $d$ болсо, анда арифметикалык прогрессия $a1,a1+d,...a1+nd$ түрүндө жазылат. Арифметикалык прогрессия чектүү да, чексиз да болушу мүмкүн. Эгерде $d>0$ болсо, арифметикалык прогрессия өсүүчү, $d<0$ болсо — кемүүчү деп аталат. $d=0$ болсо, ал турактуу удаалаштык болот. Анын каалаган мүчөсү: $an=a1+d(n-1)$ формуласы менен табылат. $n$ мүчөсүнүн суммасынын формуласы: $Sn=((a1+an)/2)*n$; $Sn=((2a1=(n-1)d)/2)*n$

Колдонулган адабият

• Математика: энциклопедиялык окуу куралы/ Мамлекеттик тил жана энциклопедия борбору. Бишкек, - 2004