Кирхгоф эрежеси

Кирхгоф эрежеси — тармакталган электр тизмегиндеги ток күчүн, чыңалууну (же электр кыймылдаткыч күчүн) аныктоочу эреже. 1847-жылы немец физиги Г. Р. Кирхгоф төмөнкү 2 эрежени аныктаган:1) өткөргүчтөрдүн тармакталуу түйүнүнө ) чогулган токтордун алгебралык суммасы нөлгө барабар:$\sum _{k=1}^L{I}_k=0$; мында n тармактардын саны, түйүнгө агып келүүчү ток — оң, андан агып чыгуучусу — терс болот: I1+I2+I3=0. Бул эреже заряддардын сакталуу законунан келип чыгат; 2) электр тармагынан эркибизче бөлүп алынган ар кандай туюк контурдагы ток күчүнүн каршылыкка болгон көбөйтүндүсүнүн $\xi$_к алгебралык суммасы туюк чынжырдагы электр кыймылдаткыч күчүнүн алгебралык суммасына барабар: $\sum _{k=1}^n{I}_k{R}_k=\sum _{k=1}^n{I}_k{\xi }_K$ n –— туюк контурдагы бөлүкчөлөрдүн саны. Саат жебесинин жүрүшүнө туура келген контурдун багыты оң деп эсептелет. Кирхгофтун 2-эрежеси электр тизмегине Ом законун колдонуудан алынат.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9