Квадраттык барабарсыздык

Квадраттык барабарсыздык – ax²+bx+c>0, ax²+bx+c<0 (а>0) түрүндөгү барабарсыздык. Белгисизине карата эки жагы тең көп мүчө болуп, жок дегенде анын бир жагы экинчи даражадагы белгисизди камтыса, анда ал бир белгисиздүү квадраттык барабарсыздык деп аталат. Андай барабарсыздыктарды каалаган учурда анын: ax²+ bx+c>0, ax²+bx+c<0, ax²+bx+c $\le$0, болгон канондук түрүнүн бирине келтирип алууга болот, мында $\alpha \ne 0$ Чыгарууга ыңгайлуу болуш үчүн аларды дагы: х²+рх+q>0, х²+рх+q<0, х²+рх+q$\ge$0, x²+px+q$\le 0$ түрүндө жазат, мында p=b/a жана q=c/a. х²+рх+q>0 же х²+рх+q<0. Квадраттык барабарсыздыкты чыгаруу үчүн x²+px+q үч мүчөсүн чыныгы коэффициенттүү көп мүчөгө, башкача айтканда, анын тамырларын (х₁, х₂) таап, $x^2+𝑝𝑥+q=(x-x_1)(x-x_2)$ деп ажыратып алып, интервалдар методу менен чыгарылат.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9